duaa

Ye jabr-e-maah-o-saal men ghiree huee zameen miree gavaah hai Nashaat kee abad-kanaar manzilon men ek umr se main un kareem aur jameel saa.aton kaa muntazir hoon Jin kee baaz-gasht se mire vajood kee sadaaqaton kaa inkishaaf ho Khudaa kare bashaaraten sunaane vaale khush-kalaam taa.eron kee Toliyaan Ufuq se shaakh-e-gul talak alaamat-e-visaal kee lakeeren kheench den Lahoo kee vus.aton kaa inkishaaf ho Lahoo kee azmaton kaa inkishaaf ho Badan ke raaste vajood kee sadaaqaton kaa inkishaaf ho Ye jabr-e-mah-o-sal mein ghiri hui zamin meri gawah hai Nashat ki abad-kanar manzilon mein ek umr se main un karim aur jamil saaton ka muntazir hun Jin ki baz-gasht se mere wajud ki sadaqaton ka inkishaf ho KHuda kare bashaaraten sunane wale KHush-kalam taeron ki Toliyan Ufuq se shaKH-e-gul talak alamat-e-visal ki lakiren khinch den Lahu ki wusaton ka inkishaf ho Lahu ki azmaton ka inkishaf ho Badan ke raste wajud ki sadaqaton ka inkishaf ho