galii kuuchon men hangaama bapaa karnaa padegaa

Galee-koochon men hangaama bapaa karnaa paDegaa Jo dil men hai ab us kaa tazkira karnaa paDegaa Nateeja karbalaa se mukhtalif ho yaa vahee ho Madeena chhoDne kaa faisla karnaa paDegaa Vo kya manzil jahaan se raaste aage nikal jaa.en So ab phir ik safar kaa silsila karnaa paDegaa Lahoo dene lagee hai chashm-e-khoon-basta so is baar Bharee aankhon se khawabon ko rihaa karnaa paDegaa Mubaadaa qissa-e-ahl-e-junoon naa-gufta rah jaa.e Na.e mazmoon kaa lahja nayaa karnaa paDegaa Darakhton par samar aane se pahle aa.e the phuul Phalon ke ba.ad kya hogaa pata karnaa paDegaa Ganvaa baiThe tiree khaatir ham apne mahr o maahtaab Bataa ab ai zamaane aur kya karnaa paDegaa Gali-kuchon mein hangama bapa karna paDega Jo dil mein hai ab us ka tazkira karna paDega Natija karbala se muKHtalif ho ya wahi ho Madina chhoDne ka faisla karna paDega Wo kya manzil jahan se raste aage nikal jaen So ab phir ek safar ka silsila karna paDega Lahu dene lagi hai chashm-e-KHun-basta so is bar Bhari aankhon se KHwabon ko riha karna paDega Mubaada qissa-e-ahl-e-junun na-gufta rah jae Nae mazmun ka lahja naya karna paDega DaraKHton par samar aane se pahle aae the phul Phalon ke baad kya hoga pata karna paDega Ganwa baiThe teri KHatir hum apne mahr o mahtab Bata ab ai zamane aur kya karna paDega