ham ahl e jabr ke naam o nasab se vaaqif hain

Ham ahl-e-jabr ke naam-o-nasab se vaaqif hain Saron kee fasl jab utree thee tab se vaaqif hain Kabhee chhupe hue khanjar kabhi khinchee huee tegh Sipaah-e-zulm ke ek ek Dhab se vaaqif hain Vo jin kee dast-khaten mahzar-e-sitam pe hain sabt Har us adiib har us be-adab se vaaqif hain Ye raat yuun hee to dushman nahin hamaaree ki ham Daraazi-e-shab-e-gham ke sabab se vaaqif hain Nazar men rakhte hain asr-e-buland-e-baami-e-mehr Furaat-e-jabr ke har tishna-lab se vaaqif hain Koee na.ee to nahin harf-e-haq kee tanhaa.ee Jo jaante hain wo is amr-e-rab se vaaqif hain Hum ahl-e-jabr ke nam-o-nasab se waqif hain Saron ki fasl jab utri thi tab se waqif hain Kabhi chhupe hue KHanjar kabhi khinchi hui tegh Sipah-e-zulm ke ek ek Dhab se waqif hain Wo jin ki dast-KHaten mahzar-e-sitam pe hain sabt Har us adib har us be-adab se waqif hain Ye raat yun hi to dushman nahin hamari ki hum Daraazi-e-shab-e-gham ke sabab se waqif hain Nazar mein rakhte hain asr-e-buland-e-baami-e-mehr Furaat-e-jabr ke har tishna-lab se waqif hain Koi nai to nahin harf-e-haq ki tanhai Jo jaante hain wo is amr-e-rab se waqif hain