ham apne raftagaan ko yaad rakhnaa chaahte hain

Ham apne raftagaan ko yaad rakhnaa chaahte hain Dilon ko dard se aabaad rakhnaa chaahte hain Mubaadaa mundamil zakhmon kee soorat bhuul hee jaa.en Abhee Kuch din ye ghar barbaad rakhnaa chaahte hain Bahut raunaq thee un ke dam qadam se shahr-e-jaan men Vahee raunaq ham un ke baa'd rakhnaa chaahte hain Bahut mushkil zamaanon men bhee ham ahl-e-mohabbat Vafaa par ishq kee buniyaad rakhnaa chaahte hain Saron men ek hee sauda ki lau dene lage khaak Umeeden hasb-e-istedaad rakhnaa chaahte hain Kaheen aisa na ho harf-e-duaa mafhoom kho de Duaa ko soorat-e-fariyaad rakhnaa chaahte hain Qalam aalooda-e-naan-o-namak rahtaa hai phir bhee Jahaan tak ho sake aazaad rakhnaa chaahte hain Hum apne raftagan ko yaad rakhna chahte hain Dilon ko dard se aabaad rakhna chahte hain Mubaada mundamil zaKHmon ki surat bhul hi jaen Abhi Kuch din ye ghar barbaad rakhna chahte hain Bahut raunaq thi un ke dam qadam se shahr-e-jaan mein Wahi raunaq hum un ke ba'd rakhna chahte hain Bahut mushkil zamanon mein bhi hum ahl-e-mohabbat Wafa par ishq ki buniyaad rakhna chahte hain Saron mein ek hi sauda ki lau dene lage KHak Umiden hasb-e-istedad rakhna chahte hain Kahin aisa na ho harf-e-dua mafhum kho de Dua ko surat-e-fariyaad rakhna chahte hain Qalam aaluda-e-nan-o-namak rehta hai phir bhi Jahan tak ho sake aazad rakhna chahte hain