hariim e lafz men kis darja be adab niklaa

Hareem-e-lafz men kis darja be-adab niklaa Jise najeeb samajhte the kam-nasab niklaa Sipaah-e-shaam ke neze pe aaftaab kaa sar Kis ehtimaam se parvar-digaar-e-shab niklaa Hamaaree garmi-e-guftaar bhee rahi be-sood Kisee kee chup kaa bhee matlab ajab ajab niklaa Baham hue bhee magar dil kee vahshaten na ga.iin Visaal men bhee dilon kaa ghubaar kab niklaa Abhee uThaa bhee nahin tha kisee kaa dast-e-karam Ki sara shahr liye kaasa-e-talab niklaa Harim-e-lafz mein kis darja be-adab nikla Jise najib samajhte the kam-nasab nikla Sipah-e-sham ke neze pe aaftab ka sar Kis ehtimam se parwar-digar-e-shab nikla Hamari garmi-e-guftar bhi rahi be-sud Kisi ki chup ka bhi matlab ajab ajab nikla Baham hue bhi magar dil ki wahshaten na gain Visal mein bhi dilon ka ghubar kab nikla Abhi uTha bhi nahin tha kisi ka dast-e-karam Ki sara shahr liye kasa-e-talab nikla