intibaah
— Iftikhar Arif
HinDolaa jhoolne vaale
Zameen se kaT ke oonchaa jhoolne kee chaah rakhte hain to phir jhoolen
Magar ye yaad rakkhen
Zameen se kaT ke oonchaa jhoolne vaale fazaaon men muallaq hee rahenge
Jhulaane vaale ke rahm-o-karam par daa.ere-dar-daa.ere gardish karenge
Aur zameen par lauT kar bhee be-zameenee ke alam sahte rahenge
HinDolaa jhoolne vaale
Zameen se kaT ke oonchaa jhoolne kee chaah rakhte hain
To phir jhoolen magar ye yaad rakkhen
HinDola jhulne wale
Zamin se kaT ke uncha jhulne ki chah rakhte hain to phir jhulen
Magar ye yaad rakkhen
Zamin se kaT ke uncha jhulne wale fazaon mein muallaq hi rahenge
Jhulane wale ke rahm-o-karam par daere-dar-daere gardish karenge
Aur zamin par lauT kar bhi be-zamini ke alam sahte rahenge
HinDola jhulne wale
Zamin se kaT ke uncha jhulne ki chah rakhte hain
To phir jhulen magar ye yaad rakkhen