kahaan ke naam o nasab ilm kya faziilat kya

Kahaan ke naam o nasab ilm kya fazeelat kya Jahaan-e-rizq men tauqeer-e-ahl-e-haajat kya Shikam kee aag liye phir rahi hai shahr-ba-shahr Sag-e-zamaana hain ham kya hamaaree hijrat kya Dimashq-e-maslahat o koofa-e-nifaaq ke biich Fughaan-e-qaafila-e-be-navaa kee qeemat kya Ma.aal-e-izzat-e-saadaat-e-ishq dekh ke ham Badal ga.e to badalne pe itnee hairat kya Qimaar-khaana-e-hastee men ek baazee par Tamaam umr lagaa dee to phir shikaayat kya Farogh-e-san.at-e-qad-aavaree kaa mausam hai Subuk hue pe bhee niklaa hai qadd-o-qaamat kya Kahan ke nam o nasab ilm kya fazilat kya Jahan-e-rizq mein tauqir-e-ahl-e-hajat kya Shikam ki aag liye phir rahi hai shahr-ba-shahr Sag-e-zamana hain hum kya hamari hijrat kya Dimashq-e-maslahat o kufa-e-nifaq ke bich Fughan-e-qafila-e-be-nawa ki qimat kya Maal-e-izzat-e-sadat-e-ishq dekh ke hum Badal gae to badalne pe itni hairat kya Qimar-KHana-e-hasti mein ek bazi par Tamam umr laga di to phir shikayat kya Farogh-e-sanat-e-qad-awari ka mausam hai Subuk hue pe bhi nikla hai qadd-o-qamat kya