khauf ke sail e musalsal se nikaale mujhe koi

Khauf ke sail-e-musalsal se nikaale mujhe koi Main payambar to nahin hoon ki bachaa le mujhe koi Apnee dunya ke mah-o-mehr sameTe sar-e-shaam Kar gaya jaada-e-fardaa ke havaale mujhe koi Itnee der aur tavaqquf ki ye aankhen bujh jaa.en Kisee be-noor kharaabe men ujaale mujhe koi Kis ko fursat hai ki ta.ameer kare az-sar-e-nau Khaana-e-khvaab ke malbe se nikaale mujhe koi Ab kaheen jaa ke sameTee hai umeedon kee bisaat Varna ik umr kee zid thee ki sambhaale mujhe koi Kyaa ajab khema-e-jaan teree tanaaben kaT jaa.en Is se pahle ki havaaon men uchhaale mujhe koi Kaisee khwaish thee ki socho to hansee aatee hai Jaise main chaahoon usee tarah banaa le mujhe koi Teree marzee miree taqdeer ki tanhaa rah jaaon Magar ik aas to de paalne vaale mujhe koi KHauf ke sail-e-musalsal se nikale mujhe koi Main payambar to nahin hun ki bacha le mujhe koi Apni duniya ke mah-o-mehr sameTe sar-e-sham Kar gaya jada-e-farda ke hawale mujhe koi Itni der aur tawaqquf ki ye aankhen bujh jaen Kisi be-nur KHarabe mein ujale mujhe koi Kis ko fursat hai ki tamir kare az-sar-e-nau KHana-e-KHwab ke malbe se nikale mujhe koi Ab kahin ja ke sameTi hai umidon ki bisat Warna ek umr ki zid thi ki sambhaale mujhe koi Kya ajab KHema-e-jaan teri tanaben kaT jaen Is se pahle ki hawaon mein uchhaale mujhe koi Kaisi KHwahish thi ki socho to hansi aati hai Jaise main chahun usi tarah bana le mujhe koi Teri marzi meri taqdir ki tanha rah jaun Magar ek aas to de palne wale mujhe koi