khazaana e zar o gauhar pe khaak daal ke rakh

Khazaana-e-zar-o-gauhar pe khaak Daal ke rakh Ham ahl-e-mehr-o-mohabbat hain dil nikaal ke rakh Hamen to apne samundar kee ret kaafee hai Too apne chashma-e-be-faiz ko sambhaal ke rakh Zaraa see der kaa hai ye urooj-e-maal-o-manaal Abhee se zehn men sab zaaviye zavaal ke rakh Ye baar baar kinaare pe kis ko dekhtaa hai Bhanvar ke biich koi hausla uchhaal ke rakh Na jaane kab tujhe jangal men raat paD jaa.e Khud apnee aag se sho.ala koi ujaal ke rakh Javaab aa.e na aa.e savaal uThaa to sahee Phir is savaal men pahloo na.e savaal ke rakh Tiree balaa se giroh-e-junoon pe kya guzree Too apna daftar-e-sood-o-ziyaan sambhaal ke rakh Chhalak raha hai jo kashkol-e-aarzoo us men Kisee faqeer ke qadmon kee khaak Daal ke rakh KHazana-e-zar-o-gauhar pe KHak Dal ke rakh Hum ahl-e-mehr-o-mohabbat hain dil nikal ke rakh Hamein to apne samundar ki ret kafi hai Tu apne chashma-e-be-faiz ko sambhaal ke rakh Zara si der ka hai ye uruj-e-mal-o-manal Abhi se zehn mein sab zawiye zawal ke rakh Ye bar bar kinare pe kis ko dekhta hai Bhanwar ke bich koi hausla uchhaal ke rakh Na jaane kab tujhe jangal mein raat paD jae KHud apni aag se shoala koi ujal ke rakh Jawab aae na aae sawal uTha to sahi Phir is sawal mein pahlu nae sawal ke rakh Teri bala se giroh-e-junun pe kya guzri Tu apna daftar-e-sud-o-ziyan sambhaal ke rakh Chhalak raha hai jo kashkol-e-arzu us mein Kisi faqir ke qadmon ki KHak Dal ke rakh