khvaab e deriina se rukhsat kaa sabab puuchhte hain

Khvaab-e-dereena se rukhsat kaa sabab poochhte hain Chaliye pahle nahin poochhaa thaa to ab poochhte hain Kaise khush-tabaa hain is shahr-e-dil-aazaar ke log Mauj-e-khoon sar se guzar jaatee hai tab poochhte hain Ahl-e-Dunya kaa to kya zikr ki deevaanon ko Saahibaan-e-dil-e-shoreeda bhee kab poochhte hain Khaak uDaatee huee raaten hon ki bheege hue din Avval-e-sub.h ke gham aakhir-e-shab poochhte hain Ek ham hee to nahin hain jo uThaate hain savaal Jitne hain khaak-basar shahr ke sab poochhte hain Yahee majboor yahee mohr-ba-lab be-awaaz Poochhne par kabhi aa.en to ghazab poochhte hain Karam-e-masnad-o-mimbar ki ab arbaab-e-hakam Zulm kar chukte hain tab marzee-e-rab poochhte hain KHwab-e-derina se ruKHsat ka sabab puchhte hain Chaliye pahle nahin puchha tha to ab puchhte hain Kaise KHush-taba hain is shahr-e-dil-azar ke log Mauj-e-KHun sar se guzar jati hai tab puchhte hain Ahl-e-duniya ka to kya zikr ki diwanon ko Sahiban-e-dil-e-shorida bhi kab puchhte hain KHak uDati hui raaten hon ki bhige hue din Awwal-e-subh ke gham aaKHir-e-shab puchhte hain Ek hum hi to nahin hain jo uThate hain sawal Jitne hain KHak-basar shahr ke sab puchhte hain Yahi majbur yahi mohr-ba-lab be-awaz Puchhne par kabhi aaen to ghazab puchhte hain Karam-e-masnad-o-mimbar ki ab arbab-e-hakam Zulm kar chukte hain tab marzi-e-rab puchhte hain