koi junoon koi sauda na sar men rakkhaa jaae

Koi junoon koi sauda na sar men rakkhaa jaa.e Bas ek rizq kaa manzar nazar men rakkhaa jaa.e Havaa bhee ho ga.ee meesaaq-e-teeragee men fareeq Koee charaagh na ab rah-guzar men rakkhaa jaa.e Usee ko baat na pahunche jise pahunchnee ho Ye iltizaam bhee arz-e-hunar men rakkhaa jaa.e Na jaane kaun se tarkash ke tiir kab chal jaa.en Nishaan-e-mehr kamaan-e-sipar men rakkhaa jaa.e Vafaa gumaan hee Thahree to kya zaroor ki ab Lihaaz-e-ham-safaree bhee safar men rakkhaa jaa.e Har ik se poochhte phirte hain tere khaana-ba-dosh Azaab-e-dar-ba-daree kis ke ghar men rakkhaa jaa.e Hamen bhee aafiyat-e-jaan kaa hai khayaal bahut Hamen bhee halqa-e-naa-mo.atabar men rakkhaa jaa.e Koi junun koi sauda na sar mein rakkha jae Bas ek rizq ka manzar nazar mein rakkha jae Hawa bhi ho gai misaq-e-tiragi mein fariq Koi charagh na ab rah-guzar mein rakkha jae Usi ko baat na pahunche jise pahunchni ho Ye iltizam bhi arz-e-hunar mein rakkha jae Na jaane kaun se tarkash ke tir kab chal jaen Nishan-e-mehr kaman-e-sipar mein rakkha jae Wafa guman hi Thahri to kya zarur ki ab Lihaz-e-ham-safari bhi safar mein rakkha jae Har ek se puchhte phirte hain tere KHana-ba-dosh Azab-e-dar-ba-dari kis ke ghar mein rakkha jae Hamein bhi aafiyat-e-jaan ka hai KHayal bahut Hamein bhi halqa-e-na-moatabar mein rakkha jae