koi muzhda na bashaarat na duaa chaahtii hai

Koi muzhda na bashaarat na duaa chaahtee hai Roz ik taaza khabar khalq-e-khuda chaahtee hai Mauj-e-khoon sar se guzarnee thee so wo bhee guzree Aur kya koocha-e-qaatil kee havaa chaahtee hai Shahr-e-be-mehr men lab-basta ghulaamon kee qataar Na.e aa.een-e-aseeree kee binaa chaahtee hai Koee bole ke na bole qadam uTThen na uThen Vo jo ik dil men hai deevaar uThaa chaahtee hai Ham bhee labbaik kahen aur fasaana ban jaa.en Koee awaaz sar-e-koh-e-nidaa chaahtee hai Yahee lau thee ki ulajhtee rahi har raat ke saath Ab ke khud apnee havaaon men bujhaa chaahtee hai Ahd-e-aasoodgi-e-jaan men bhee tha jaan se aziiz Vo qalam bhee mire dushman kee anaa chaahtee hai Bahr-e-paamaali-e-gul aa.ee hai aur mauj-e-khizaan Guftugoo men ravish-e-baad-e-sabaa chaahtee hai Khaak ko ham-sar-e-mahtaab kiyaa raat kee raat Khalq ab bhee vahee naqsh-e-kaf-e-paa chaahtee hai Koi muzhda na bashaarat na dua chahti hai Roz ek taza KHabar KHalq-e-KHuda chahti hai Mauj-e-KHun sar se guzarni thi so wo bhi guzri Aur kya kucha-e-qatil ki hawa chahti hai Shahr-e-be-mehr mein lab-basta ghulamon ki qatar Nae aain-e-asiri ki bina chahti hai Koi bole ke na bole qadam uTThen na uThen Wo jo ek dil mein hai diwar uTha chahti hai Hum bhi labbaik kahen aur fasana ban jaen Koi aawaz sar-e-koh-e-nida chahti hai Yahi lau thi ki ulajhti rahi har raat ke sath Ab ke KHud apni hawaon mein bujha chahti hai Ahd-e-asudgi-e-jaan mein bhi tha jaan se aziz Wo qalam bhi mere dushman ki ana chahti hai Bahr-e-pamali-e-gul aai hai aur mauj-e-KHizan Guftugu mein rawish-e-baad-e-saba chahti hai KHak ko ham-sar-e-mahtab kiya raat ki raat KHalq ab bhi wahi naqsh-e-kaf-e-pa chahti hai