miraa zehn mujh ko raha kare

Miraa zehn dil kaa rafeeq hai Miraa dil rafeeq hai jism kaa Miraa jism hai miree aankh men Miree aankh us ke badan men hai Vo badan ki bosa-e-aatisheen men jalaa bhee phir bhee haraa raha Vo badan ki lams kee baarishon men dhulaa bhee phir bhee nayaa raha Vo badan kee vasl ke faasle pe raha bhee phir bhee miraa raha Mujhe e'tiraaf! mire vajood pe ek charaagh kaa ek khvaab kaa ek umiid kaa qarz hai Mujhe e'tiraaf! ki mere naakhun-e-be-hunar pe hazaar tarah ke qarz hain Miraa zehn mujh ko rihaa kare to main saare qarz utaar duun Miree aankh mujh se wafa kare to main jism o jaan pe vaar duun Mera zehn dil ka rafiq hai Mera dil rafiq hai jism ka Mera jism hai meri aankh mein Meri aankh us ke badan mein hai Wo badan ki bosa-e-atishin mein jala bhi phir bhi hara raha Wo badan ki lams ki barishon mein dhula bhi phir bhi naya raha Wo badan ki wasl ke fasle pe raha bhi phir bhi mera raha Mujhe e'tiraf! mere wajud pe ek charagh ka ek KHwab ka ek umid ka qarz hai Mujhe e'tiraf! ki mere naKHun-e-be-hunar pe hazar tarah ke qarz hain Mera zehn mujh ko riha kare to main sare qarz utar dun Meri aankh mujh se wafa kare to main jism o jaan pe war dun