samajh rahe hain magar bolne kaa yaaraa nahin

Samajh rahe hain magar bolne kaa yaaraa nahin Jo ham se mil ke bichhaD jaa.e wo hamaaraa nahin Abhee se barf ulajhne lagee hai baalon se Abhee to qarz-e-mah-o-saal bhee utaaraa nahin Bas ek shaam use awaaz dee thee hijr kee shaam Phir us ke ba.ad use umr bhar pukaaraa nahin Havaa kuch aisi chalee hai ki tere vahshee ko Mizaaj-pursee-e-baad-e-sabaa gavaaraa nahin Samundaron ko bhee hairat huee ki Doobte waqt Kisee ko ham ne madad ke liye pukaaraa nahin Vo ham nahin the to phir kaun tha sar-e-baazaar Jo kah raha tha ki biknaa hamen gavaaraa nahin Ham ahl-e-dil hain mohabbat kee nisbaton ke amiin Hamaare paas zameenon kaa goshvaara nahin Samajh rahe hain magar bolne ka yara nahin Jo hum se mil ke bichhaD jae wo hamara nahin Abhi se barf ulajhne lagi hai baalon se Abhi to qarz-e-mah-o-sal bhi utara nahin Bas ek sham use aawaz di thi hijr ki sham Phir us ke baad use umr bhar pukara nahin Hawa kuch aisi chali hai ki tere wahshi ko Mizaj-pursi-e-baad-e-saba gawara nahin Samundaron ko bhi hairat hui ki Dubte waqt Kisi ko hum ne madad ke liye pukara nahin Wo hum nahin the to phir kaun tha sar-e-bazar Jo kah raha tha ki bikna hamein gawara nahin Hum ahl-e-dil hain mohabbat ki nisbaton ke amin Hamare pas zaminon ka goshwara nahin