shahr aashob

Ai shahr-e-rasan-basta Kyaa ye tiree manzil hai Kyaa ye tiraa haasil hai Ye kaun saa manzar hai Kuchh bhee to nahin khultaa Kyaa teraa muqaddar hai Taqdeer-e-faseel-e-shahr katba hai ki gul-dasta Ai shahr-e-rasan-basta Ab koi bhee khawabon par eemaan nahin rakhtaa Kis raah pe jaanaa hai kis raah nahin jaanaa pahchaan nahin rakhtaa Shaa.er ho ki soorat-gar baaghon kee charaaghon kee bastee ke sajaane kaa saamaan nahin rakhtaa Jis samt nazar kiije aankhon men dar aate hain aur Khoon rulaate hain Yaadon se bhare daaman laashon se bharaa rasta Ai shahr-e-rasan-basta Muddat huee logon ko chup maar ga.ee jaise Thukraa.ee huee khilqat jiine kee kashaakash men jee haar ga.ee jaise Har saans khajil Thahree bekaar ga.ee jaise Ab gham kee hikaayat ho yaa lutf kee baaten hon koi bhee nahin rotaa koi bhee nahin hanstaa Ai shahr-e-rasan-basta Ai shahr-e-rasan-basta Kya ye teri manzil hai Kya ye tera hasil hai Ye kaun sa manzar hai Kuchh bhi to nahin khulta Kya tera muqaddar hai Taqdir-e-fasil-e-shahr katba hai ki gul-dasta Ai shahr-e-rasan-basta Ab koi bhi KHwabon par iman nahin rakhta Kis rah pe jaana hai kis rah nahin jaana pahchan nahin rakhta Shaer ho ki surat-gar baghon ki charaghon ki basti ke sajaane ka saman nahin rakhta Jis samt nazar kije aankhon mein dar aate hain aur KHun rulate hain Yaadon se bhare daman lashon se bhara rasta Ai shahr-e-rasan-basta Muddat hui logon ko chup mar gai jaise Thukrai hui KHilqat jine ki kashakash mein ji haar gai jaise Har sans KHajil Thahri bekar gai jaise Ab gham ki hikayat ho ya lutf ki baaten hon koi bhi nahin rota koi bhi nahin hansta Ai shahr-e-rasan-basta