shahr e gul ke khas o khaashaak se khauf aataa hai

Shahr-e-gul ke khas-o-khaashaak se khauf aataa hai Jis kaa vaaris hoon usee khaak se khauf aataa hai Shakl banne nahin paatee ki bigaD jaatee hai Na.ee miTTee ko na.e chaak se khauf aataa hai Vaqt ne aise ghumaa.e ufuq aafaaq ki bas Mehvar-e-gardish-e-saffaak se khauf aataa hai Yahee lahja thaa ki meyaar-e-sukhan Thahraa thaa Ab isee lahja-e-be-baak se khauf aataa hai Aag jab aag se miltee hai to lau detee hai Khaak ko khaak kee poshaak se khauf aataa hai Qaamat-e-jaan ko khush aayaa thaa kabhi khil.at-e-ishq Ab isee jaama-e-sad-chaak se khauf aataa hai Kabhee aflaak se naalon ke javaab aate the In dinon aalam-e-aflaak se khauf aataa hai Rahmat-e-sayyad-e-laulaak pe kaamil eemaan Ummat-e-sayyad-e-laulaak se khauf aataa hai Shahr-e-gul ke KHas-o-KHashak se KHauf aata hai Jis ka waris hun usi KHak se KHauf aata hai Shakl banne nahin pati ki bigaD jati hai Nai miTTi ko nae chaak se KHauf aata hai Waqt ne aise ghumae ufuq aafaq ki bas Mehwar-e-gardish-e-saffak se KHauf aata hai Yahi lahja tha ki meyar-e-suKHan Thahra tha Ab isi lahja-e-be-bak se KHauf aata hai Aag jab aag se milti hai to lau deti hai KHak ko KHak ki poshak se KHauf aata hai Qamat-e-jaan ko KHush aaya tha kabhi KHilat-e-ishq Ab isi jama-e-sad-chaak se KHauf aata hai Kabhi aflak se nalon ke jawab aate the In dinon aalam-e-aflak se KHauf aata hai Rahmat-e-sayyad-e-laulak pe kaamil iman Ummat-e-sayyad-e-laulak se KHauf aata hai