sitaara vaar jale phir bujhaa diye gae ham

Sitaara-vaar jale phir bujhaa diye ga.e ham Phir is ke ba.ad nazar se giraa diye ga.e ham Aziiz the hameen nau-vaaridaan-e-koocha-e-ishq So peechhe haTte ga.e raasta diye ga.e ham Shikast o fat.h ke sab faisle hue kaheen aur Misaal-e-maal-e-ghaneemat luTaa diye ga.e ham Zameen farsh-e-gul-o-laala se sajaa.ee ga.ee Phir is zameen kee amaanat banaa diye ga.e ham Duaa.en yaad karaa dee ga.ee thiin bachpan men So zakhm khaate rahe aur duaa diye ga.e ham Sitara-war jale phir bujha diye gae hum Phir is ke baad nazar se gira diye gae hum Aziz the hamin nau-waridan-e-kucha-e-ishq So pichhe haTte gae rasta diye gae hum Shikast o fath ke sab faisle hue kahin aur Misal-e-mal-e-ghanimat luTa diye gae hum Zamin farsh-e-gul-o-lala se sajai gai Phir is zamin ki amanat bana diye gae hum Duaen yaad kara di gai thin bachpan mein So zaKHm khate rahe aur dua diye gae hum