sitaaron se bharaa ye aasmaan kaisaa lagegaa

Sitaaron se bharaa ye aasmaan kaisaa lagegaa Hamaare ba.ad tum ko ye jahaan kaisaa lagegaa Thake-haare hue sooraj kee bheegee raushnee men Havaaon se ulajhtaa baadbaan kaisaa lagegaa Jame qadmon ke neeche se phisaltee jaa.egee ret Bikhar jaa.egee jab umr-e-ravaan kaisaa lagegaa Isee miTTee men mil jaa.egee poonjee umr bhar kee Giregee jis ghaDee deevaar-e-jaan kaisaa lagegaa Bahut itraa rahe ho dil kee baazee jeetne par Ziyaan ba.ad az ziyaan ba.ad az ziyaan kaisaa lagegaa Vo jis ke ba.ad hogee ik musalsal be-niyaazee GhaDee bhar kaa wo sab shor o fughaan kaisaa lagegaa Abhee se kya bataa.en marg-e-majnoon kee khabar par Sulook-e-koocha-e-naa-mehrbaan kaisaa lagegaa Bataao to sahee ai jaan-e-jaan kaisaa lagegaa Sitaaron se bharaa ye aasmaan kaisaa lagegaa Sitaron se bhara ye aasman kaisa lagega Hamare baad tum ko ye jahan kaisa lagega Thake-haare hue suraj ki bhigi raushni mein Hawaon se ulajhta baadban kaisa lagega Jame qadmon ke niche se phisalti jaegi ret Bikhar jaegi jab umr-e-rawan kaisa lagega Isi miTTi mein mil jaegi punji umr bhar ki Giregi jis ghaDi diwar-e-jaan kaisa lagega Bahut itra rahe ho dil ki bazi jitne par Ziyan baad az ziyan baad az ziyan kaisa lagega Wo jis ke baad hogi ek musalsal be-niyazi GhaDi bhar ka wo sab shor o fughan kaisa lagega Abhi se kya bataen marg-e-majnun ki KHabar par Suluk-e-kucha-e-na-mehrban kaisa lagega Batao to sahi ai jaan-e-jaan kaisa lagega Sitaron se bhara ye aasman kaisa lagega