taar e shabnam ki tarah suurat e khas tuuttii hai

Taar-e-shabnam kee tarah soorat-e-khas TooTtee hai Aas bandhne nahin paatee hai ki bas TooTtee hai Aarzooon kaa hujoom aur ye Dhaltee huee umr Saans ukhaDtee hai na zanjeer-e-havas TooTtee hai Gard itnee ki sujhaa.ee nahin deta kuch bhee Shor itnaa hai ki awaaz-e-jaras TooTtee hai Munhadim hota chalaa jaataa hai dil saal-ba-saal Aisaa lagtaa hai girah ab ke baras TooTtee hai Boo-e-gul aa.e na aa.e magar ushshaaq ke biich Itnee vahshat hai ki deevaar-e-qafas TooTtee hai Zikr asmaa-e-ilaahee kaa hai faizaan ki ab Dam ulajhtaa hai na tasbeeh-e-nafas TooTtee hai Tar-e-shabnam ki tarah surat-e-KHas TuTti hai Aas bandhne nahin pati hai ki bas TuTti hai Aarzuon ka hujum aur ye Dhalti hui umr Sans ukhaDti hai na zanjir-e-hawas TuTti hai Gard itni ki sujhai nahin deta kuch bhi Shor itna hai ki aawaz-e-jaras TuTti hai Munhadim hota chala jata hai dil sal-ba-sal Aisa lagta hai girah ab ke baras TuTti hai Bu-e-gul aae na aae magar ushshaq ke bich Itni wahshat hai ki diwar-e-qafas TuTti hai Zikr asma-e-ilahi ka hai faizan ki ab Dam ulajhta hai na tasbih-e-nafas TuTti hai