thakan to agle safar ke liye bahaana thaa

Thakan to agle safar ke liye bahaana thaa Use to yuun bhee kisee aur samt jaanaa thaa Vahee charaagh bujhaa jis kee lau qayaamat thee Usee pe zarb paDee jo shajar puraanaa thaa Mataa-e-jaan kaa badal ek pal kee sarshaaree Sulook khvaab kaa aankhon se taajiraana thaa Havaa kee kaaT shagoofon ne jazb kar lee thee Tabhee to lahja-e-khushboo bhee jaarihaana thaa Vahee firaaq kee baaten vahee hikaayat-e-vasl Na.ee kitaab kaa ek ik varaq puraanaa thaa Qabaa-e-zard nigaar-e-khizaan pe sajtee thee Tabhee to chaal kaa andaaz khusravaana thaa Thakan to agle safar ke liye bahana tha Use to yun bhi kisi aur samt jaana tha Wahi charagh bujha jis ki lau qayamat thi Usi pe zarb paDi jo shajar purana tha Mata-e-jaan ka badal ek pal ki sarshaari Suluk KHwab ka aankhon se tajirana tha Hawa ki kaT shagufon ne jazb kar li thi Tabhi to lahja-e-KHushbu bhi jarihana tha Wahi firaq ki baaten wahi hikayat-e-wasl Nai kitab ka ek ek waraq purana tha Qaba-e-zard nigar-e-KHizan pe sajti thi Tabhi to chaal ka andaz KHusrawana tha