vahii pyaas hai vahii dasht hai vahii gharaanaa hai

Vahee pyaas hai vahee dasht hai vahee gharaanaa hai Mashkeeze se tiir kaa rishta bahut puraanaa hai Sub.h savere ran paDnaa hai aur ghamsaan kaa ran Raaton raat chalaa jaa.e jis jis ko jaanaa hai Ek charaagh aur ek kitaab aur ek umeed-e-asaasa Us ke baa'd to jo Kuch hai wo sab afsaana hai Dariyaa par qabza thaa jis kaa us kee pyaas 'azaab Jis kee Dhaalen chamak rahi thiin vahee nishaana hai Kaasa-e-shaam men sooraj kaa sar aur awaaz-e-azaan Aur awaaz-e-azaan kahtee hai farz nibhaanaa hai Sab kahte hain aur koi din ye hangaama-e-dahr Dil kahtaa hai ek musaafir aur bhee aanaa hai Ek jazeera us ke aage peechhe saat samundar Saat samundar paar sunaa hai ek khazaana hai Wahi pyas hai wahi dasht hai wahi gharana hai Mashkize se tir ka rishta bahut purana hai Subh sawere ran paDna hai aur ghamsan ka ran Raaton raat chala jae jis jis ko jaana hai Ek charagh aur ek kitab aur ek umid-e-asasa Us ke ba'd to jo Kuch hai wo sab afsana hai Dariya par qabza tha jis ka us ki pyas 'azab Jis ki Dhaalen chamak rahi thin wahi nishana hai Kasa-e-sham mein suraj ka sar aur aawaz-e-azan Aur aawaz-e-azan kahti hai farz nibhana hai Sab kahte hain aur koi din ye hangama-e-dahr Dil kahta hai ek musafir aur bhi aana hai Ek jazira us ke aage pichhe sat samundar Sat samundar par suna hai ek KHazana hai