yaqiin se yaadon ke baare men Kuch kahaa nahin jaa saktaa tum ne jo phuul mujhe rukhsat hote vaqt diyaa thaa

Tum ne jo phuul mujhe rukhsat hote vaqt diyaa thaa Vo nazm main ne tumhaaree yaadon ke saath lifaafe men band kar ke rakh dee thee Aaj dinon baad bahut akele main use khol kar dekhaa hai Phuul kee nau pankhuDiyaan hain Nazm ke nau misre Yaaden bhee kaisee ajiib hotee hain Pahlee pankhuDee yaad dilaatee hai us lamhe kee jab main ne Pahlee baar tumhen bharee mahfil men apnee taraf musalsal takte hue dekh liyaa thaa Doosree pankhuDee jab ham pahlee baar ek doosre ko Kuch kahe baghair Bas yoonhee jaan buujh kar nazar bachaate hue ek raahdaaree se guzar ga.e the Phir teesree baar jab ham aachaanak ek moD par kaheen mile Aur ham ne bahut saaree baaten kiin aur bahut saare baras Ek saath pal men guzaar diye Aur chauthee baar Ab main bhoolne lagaa hoon Bahut dinon se Thahree huee udaasee keee vajah se shaayad Kuchh log kahte hain udaasee tanhaa.ee keee kokh se janam letee hai Mumkin hai Thiik kahte hon Kuchh log kahte hain bahut tanhaa rahnaa bhee udaasee kaa sabab ban jaataa hai Mumkin hai ye bhee Thiik ho Mumkin hai tum aao to bhoolee huee saaree baaten phir se yaad aa jaa.en Mumkin hai tum aao to wo baaten bhee main bhuul chukaa hoon jo abhee mujhe yaad hain Yaadon ke baare men aur udaasee ke baare men aur tanhaa.ee ke baare men Koee baat yaqeen se nahin kahee jaa saktee Tum ne jo phul mujhe ruKHsat hote waqt diya tha Wo nazm main ne tumhaari yaadon ke sath lifafe mein band kar ke rakh di thi Aaj dinon baad bahut akele main use khol kar dekha hai Phul ki nau pankhuDiyan hain Nazm ke nau misre Yaaden bhi kaisi ajib hoti hain Pahli pankhuDi yaad dilati hai us lamhe ki jab main ne Pahli bar tumhein bhari mahfil mein apni taraf musalsal takte hue dekh liya tha Dusri pankhuDi jab hum pahli bar ek dusre ko Kuch kahe baghair Bas yunhi jaan bujh kar nazar bachate hue ek rahdari se guzar gae the Phir tisri bar jab hum aachanak ek moD par kahin mile Aur hum ne bahut sari baaten kin aur bahut sare baras Ek sath pal mein guzar diye Aur chauthi bar Ab main bhulne laga hun Bahut dinon se Thahri hui udasi kei wajah se shayad Kuchh log kahte hain udasi tanhai kei kokh se janam leti hai Mumkin hai Thik kahte hon Kuchh log kahte hain bahut tanha rahna bhi udasi ka sabab ban jata hai Mumkin hai ye bhi Thik ho Mumkin hai tum aao to bhuli hui sari baaten phir se yaad aa jaen Mumkin hai tum aao to wo baaten bhi main bhul chuka hun jo abhi mujhe yaad hain Yaadon ke bare mein aur udasi ke bare mein aur tanhai ke bare mein Koi baat yaqin se nahin kahi ja sakti