ye bastiyaan hain ki maqtal duaa kiye jaaen

Ye bastiyaan hain ki maqtal duaa kiye jaa.en Duaa ke din hain musalsal duaa kiye jaa.en Koee fughaan koi naala koi bukaa koi bain Khulegaa baab-e-muqaffal duaa kiye jaa.en Ye iztiraab ye lambaa safar ye tanhaa.ee Ye raat aur ye jangal duaa kiye jaa.en Bahaal ho ke rahegee fazaa-e-khitta-e-khair Ye habs hogaa mo.attal duaa kiye jaa.en Guzishtagaan-e-mohabbat ke khvaab kee saugand Vo khvaab hogaa mukammal duaa kiye jaa.en Havaa.e sarkash o saffaak ke muqaabil bhee Ye dil bujhenge na mish.al duaa kiye jaa.en Ghubaar uDaatee jhulastee huee zameenon par UmanD ke aa.enge baadal duaa kiye jaa.en Qubool honaa muqaddar hai harf-e-khaalis kaa Har ek aan har ik pal duaa kiye jaa.en Ye bastiyan hain ki maqtal dua kiye jaen Dua ke din hain musalsal dua kiye jaen Koi fughan koi nala koi buka koi bain Khulega bab-e-muqaffal dua kiye jaen Ye iztirab ye lamba safar ye tanhai Ye raat aur ye jangal dua kiye jaen Bahaal ho ke rahegi faza-e-KHitta-e-KHair Ye habs hoga moattal dua kiye jaen Guzishtagan-e-mohabbat ke KHwab ki saugand Wo KHwab hoga mukammal dua kiye jaen Hawae sarkash o saffak ke muqabil bhi Ye dil bujhenge na mishal dua kiye jaen Ghubar uDati jhulasti hui zaminon par UmanD ke aaenge baadal dua kiye jaen Qubul hona muqaddar hai harf-e-KHalis ka Har ek aan har ek pal dua kiye jaen