ye qarz e kaj kulahii kab talak adaa hogaa

Ye qarz-e-kaj-kulahee kab talak adaa hogaa Tabaah ho to ga.e hain ab aur kya hogaa Yahaan tak aa.ee hai biphre hue lahoo kee sadaa Hamaare shahr men kya Kuch nahin huaa hogaa Ghubaar-e-koocha-e-va.ada bikhartaa jaataa hai Ab aage apne bikharne kaa silsila hogaa Sadaa lagaa.ee to pursaan-e-haal koi na thaa Gumaan thaa ki har ik shakhs ham-navaa hogaa Kabhee kabhi to wo aankhen bhee sochtee hongee BichhaD ke rang se khawabon kaa haal kya hogaa Huaa hai yuun bhee ki ik umr apne ghar na ga.e Ye jaante the koi raah dekhtaa hogaa Abhee to dhund men lipTe hue hain sab manzar Tum aaoge to ye mausam badal chukaa hogaa Ye qarz-e-kaj-kulahi kab talak ada hoga Tabah ho to gae hain ab aur kya hoga Yahan tak aai hai biphre hue lahu ki sada Hamare shahr mein kya Kuch nahin hua hoga Ghubar-e-kucha-e-wada bikharta jata hai Ab aage apne bikharne ka silsila hoga Sada lagai to pursan-e-haal koi na tha Guman tha ki har ek shaKHs ham-nawa hoga Kabhi kabhi to wo aankhen bhi sochti hongi BichhaD ke rang se KHwabon ka haal kya hoga Hua hai yun bhi ki ek umr apne ghar na gae Ye jaante the koi rah dekhta hoga Abhi to dhund mein lipTe hue hain sab manzar Tum aaoge to ye mausam badal chuka hoga