zaraa sii der ko aae the khvaab aankhon men

Zaraa see der ko aa.e the khvaab aankhon men Phir us ke ba.ad musalsal azaab aankhon men Vo jis ke naam kee nisbat se raushnee thaa vajood KhaTak raha hai vahee aaftaab aankhon men Jinhen mataa-e-dil-o-jaan samajh rahe the ham Vo aa.ine bhee hue be-hijaab aankhon men Ajab tarah kaa hai mausam ki khaak uDtee hai Vo din bhee the ki khile the gulaab aankhon men Mire ghazaal tiree vahshaton kee khair ki hai Bahut dinon se bahut iztiraab aankhon men Na jaane kaisee qayaamat kaa pesh-khema hai Ye uljhanen tiree be-intisaab aankhon men Javaaz kya hai mire kam-sukhan bataa to sahee Ba-naam-e-khush-nigahee har javaab aankhon men Zara si der ko aae the KHwab aankhon mein Phir us ke baad musalsal azab aankhon mein Wo jis ke nam ki nisbat se raushni tha wajud KhaTak raha hai wahi aaftab aankhon mein Jinhen mata-e-dil-o-jaan samajh rahe the hum Wo aaine bhi hue be-hijab aankhon mein Ajab tarah ka hai mausam ki KHak uDti hai Wo din bhi the ki khile the gulab aankhon mein Mere ghazal teri wahshaton ki KHair ki hai Bahut dinon se bahut iztirab aankhon mein Na jaane kaisi qayamat ka pesh-KHema hai Ye uljhanen teri be-intisab aankhon mein Jawaz kya hai mere kam-suKHan bata to sahi Ba-nam-e-KHush-nigahi har jawab aankhon mein