badan men jaise lahuu taaziyaana ho gaya hai

Badan men jaise lahoo taaziyaana ho gaya hai Use gale se lagaa.e zamaana ho gaya hai Chamak raha hai ufuq tak ghubaar-e-teera-shbee Koi charaagh safar par ravaana ho gaya hai Hamen to khair bikharnaa hee thaa kabhi na kabhi Havaa-e-taaza kaa jhonkaa bahaana ho gaya hai Gharaz ki poochhte kya ho ma.aal-e-sokhtagaan Tamaam jalnaa jalaanaa fasaana ho gaya hai Fazaa-e-shauq men us kee bisaat hee kya thee Parind apne paron kaa nishaana ho gaya hai Kisee ne dekhe hain patjhaD men phuul khilte hue Dil apnee khush-nazaree men divaana ho gaya hai