daar se us ki na irfaan judaa kar us ko

Daar se us kee na 'irfaan' judaa kar us ko Khol ye band-e-wafa aur rihaa kar us ko Nazar aane lage apne hee khad-o-khaal-e-zavaal Aur dekhaa karo aa.eena banaa kar us ko Aakhir-e-shab huee aaghaaz kahaanee apnee Ham ne paayaa bhee to ik umr ganvaa kar us ko Dekhte hain to lahoo jaise ragen toDtaa hai Ham to mar jaa.enge siine se lagaa kar us ko Tere veeraane men honaa thaa ujaalaa na huaa Kya milaa ai dil-e-saffaak jalaa kar us ko Aur ham DhoonDte rah jaa.enge khushboo kaa suraagh Abhee le jaa.egee ik mauj uDaa kar us ko