darvaazon par din bhar ki thakan tahriir huii

Darvaazon par din bhar kee thakan tahreer huee Mire shahr kee shab har chaukhaT kee zanjeer huee Sab dhoop utar ga.ee TuuTee huee deevaaron se Magar ek kiran mere khawabon men asiir huee Miraa suunaa ghar mire siine se lag kar rotaa hai Mire bhaa.ee tumhen is baar bahut taakheer huee Hamen ranj bahut thaa dasht kee be-imkaanee kaa Lo ghaib se phir ik shakl zuhoor-pazeer huee Koee hairat mere lahje kee pahchaan banee Koee chaahat mere lafzon kee taaseer huee Is dard ke qaatil-manzar ko ilzaam na do Ye to dekhne vaalee aankhon kee taqseer huee Kisee lashkar se kaheen bahtaa paanee ruktaa hai Kabhee joo-e-ravaan kisee zaalim kee jaageer huee Phir lauh pe luTne vaale khazaane likhe ga.e Mujhe ab ke baras bhee daulat-e-jaan taqdeer huee