donon apne kaam ke maahir donon bade zahiin
— Irfan Siddiqi
Donon apne kaam ke maahir donon baDe zaheen
Saanp hamesha phan lahraa.e aur saperaa biin
Gurg vahaan koee sar naheen kartaa aahoo par bandooq
Us bastee ko jangal kahnaa jangal kee tauheen
Sokhtagaan kee bazm-e-sukhan men sadr-nasheen aaseb
Cheekhon ke sad ghazlon par sannaaTon kee tahseen
Fitna-e-shab ne khatm kiyaa sab aankhon kaa aazaar
Saare khvaab haqeeqat ban ga.e saare vahm yaqeen
Ham bhee patthar tum bhee patthar sab patthar Takraao
Ham bhee TooTen tum bhee TuuTo sab TooTen aameen