ek tariiqa ye bhi hai jab jiinaa ik naa chaarii ho
— Irfan Siddiqi
Ek tareeqa ye bhee hai jab jiinaa ik naa-chaaree ho
Haath bandhe hon siine par dil bai.at se inkaaree ho
Jashn-e-zafar ek aur safar kee saa.at kaa deebaacha hai
Khema-e-shab men raqs bhee ho aur kuuch kee bhee tayyaaree ho
Is se kam par ram-khurdoon kaa kaun ta.aaqub kartaa hai
Yaa baanu-e-koo-e-avadh ho yaa aahoo-e-tataaree ho
Daa.im hai sultaanee ham shahzaadon khaak-nihaadon kee
Barq-o-sharar kee masnad ho yaa takht-e-baad-e-bahaaree ho
Ham to raat kaa matlab samjhen khvaab, sitaare, chaand, charaagh
Aage kaa ahvaal wo jaane jis ne raat guzaaree ho