jab ye aalam ho to likhiye lab o rukhsaar pe khaak

Jab ye aalam ho to likhiye lab-o-rukhsaar pe khaak UDtee hai khaana-e-dil ke dar-o-deevaar pe khaak Too ne miTTee se ulajhne kaa nateeja dekhaa Daal dee mere badan ne tiree talvaar pe khaak Ham ne muddat se ulaT rakkhaa hai kaasa apna Dast-e-daadaar tire dirham-o-deenaar pe khaak Putliyaan garmee-e-nazzaara se jal jaatee hain Aankh kee khair miyaan raunaq-e-baazaar pe khaak Jo kisee aur ne likkhaa hai use kya ma.aloom Lauh-e-taqdeer bajaa chehra-e-akhbaar pe khaak Chaar deevaar-e-anaasir kee haqeeqat kitnee Ye bhee ghar Doob gaya deeda-e-khoon-baar pe khaak Paa-e-vahshat ne ajab naqsh banaa.e the yahaan Ai havaa-e-sar-e-sahraa tiree raftaar pe khaak Ye ghazal likh ke hareefon pe uDaa dee main ne Jam rahi thee mire aa.eena-e-ash.aar pe khaak Ye bhee dekho ki kahaan kaun bulaataa hai tumhen Mahzar-e-shauq paDho mahzar-e-sarkaar pe khaak Aap kya naqd-e-do-aalam se khareedenge ise Ye to deevaane kaa sar hai sar-e-pindaar pe khaak