koi bijlii in kharaabon men ghataa raushan kare

Koee bijlee in kharaabon men ghaTaa raushan kare Ai andheree bastiyo tum ko khuda raushan kare Nanhe honTon par khilen maasoom lafzon ke gulaab Aur maathe par koee harf-e-duaa raushan kare Zard chehron par bhee chamke surkh jazbon kee dhanak Saanvle haathon ko bhee rang-e-hinaa raushan kare Ek laDkaa shahr kee raunaq men sab Kuch bhuul jaa.e Ek buDhiyaa roz chaukhaT par diyaa raushan kare Khair agar tum se na jal paa.en vafaaon ke charaagh Tum bujhaanaa mat jo koee doosraa raushan kare Aag jaltee chhoD aa.e ho to ab kya fikr hai Jaane kitne shahr ye paagal havaa raushan kare Dil hee faanoos-e-havaa dil hee khas-o-khaar-e-havas Dekhnaa ye hai ki us kaa qurb kya raushan kare Yaa to is jangal men nikle chaand tere naam kaa Yaa miraa hee lafz meraa raastaa raushan kare