shahaab chehra koi gum shuda sitaara koi
— Irfan Siddiqi
Shahaab-chehra koee gum-shuda sitaara koee
Huaa tulooa ufuq par mire dobaara koee
Umeed-vaaron pe khultaa naheen wo baab-e-visaal
Aur us ke shahr se kartaa naheen kinaara koee
Magar giraft men aataa naheen badan us kaa
Khayaal DhoonDhtaa rahtaa hai isti.aara koee
Kahaan se aate hain ye ghar ujaalte hue lafz
Chhupaa hai kya miree miTTee men maah-paara koee
Bas apne dil kee sadaa par nikal chalen is baar
Ki sab ko ghaib se miltaa naheen ishaara koee
Gumaan na kar ki huaa khatm kaar-e-dil-zadagaan
Ajab naheen ki ho is raakh men sharaara koee
Agar naseeb na ho us qamar kee ham-safree
To kyuun na khaak-e-guzar par kare guzaara koee