tum hamen ek din dasht men chhod kar chal diye the tumhen kya khabar yaa akhii

Tum hamen ek din dasht men chhoD kar chal diye the tumhen kya khabar yaa akhee Kitne mausam lage hain hamaare badan par nikalne men ye baal-o-par yaa akhee Shab-gazeeda dayaaron ke naaqa-savaaron men mahtaab-chehra tumhaaraa na thaa Khaak men mil ga.e raah takte hue sab khameeda kamar baam-o-dar yaa akhee Jang kaa faisla ho chukaa hai to phir mere dil kee kameen-gaah men kaun hai Ik shaqee kaaTtaa hai tanaaben mire khema-e-khvaab kee raat bhar yaa akhee Ye bhee achchhaa huaa tum is aashob se apne sarsabz baazoo bachaa le ga.e Yuun bhee koo-e-ziyaan men lagaanaa hee thaa ham ko apne lahoo kaa shajar yaa akhee Nahr is shahr kee bhee bahut mehrbaan hai magar apna rahvaar mat roknaa Hijraton ke muqaddar men baaqee nahin ab koi qarya-e-mo'tabar yaa akhee Zard patton ke ThanDe badan apne haathon pe le kar havaa ne shajar se kahaa Agle mausam men tujh par na.e barg-o-baar aa.enge tab talak sabr kar yaa akhee