unhiin ki shah se unhen maat kartaa rahtaa hoon

Unheen kee shah se unhen maat kartaa rahtaa hoon Sitamgaron kee mudaaraat kartaa rahtaa hoon Yahaan koi nahin suntaa hadis-e-dil-zadagaan Magar main aur tarah baat kartaa rahtaa hoon Bhalaa ye umr koi kaarobaar-e-shauq kee hai Bas ik talaafi-e-maafaat kartaa rahtaa hoon Ye kaa.enaat mire baal-o-par ke bas kee nahin To kya karoon safar-e-zaat kartaa rahtaa hoon Yaheen pe vaar-e-hareefaan uThaanaa paDtaa hai Yaheen hisaab-e-musaavaat kartaa rahtaa hoon Ajab nahin kisee koshish men kaamraan ho jaa.oon Mohabbaton kee shurooaat kartaa rahtaa hoon Hamesha kaasa-e-khaalee chhalaktaa rahtaa hai Faqeer hoon so karaamaat kartaa rahtaa hoon