utho ye manzar e shab taab dekhne ke liye
— Irfan Siddiqi
UTho ye manzar-e-shab-taab dekhne ke liye
Ki niind shart nahin khvaab dekhne ke liye
Ajab hareef thaa mere hee saath Doob gaya
Mire safeene ko gharqaab dekhne ke liye
Wo marhala hai ki ab sail-e-khoon pe raazee hain
Ham is zameen ko shaadaab dekhne ke liye
Jo ho sake to zaraa shah-savaar lauT ke aa.en
Piyaad-gaan ko zafar-yaab dekhne ke liye
Kahaan hai too ki yahaan jal rahe hain sadiyon se
Charaagh diida o mehraab dekhne ke liye