wo jo ik shart thii vahshat ki uthaa dii gaii kya

Wo jo ik shart thee vahshat kee uThaa dee ga.ee kya Meree bastee kisee sahraa men basaa dee ga.ee kya Vahee lahja hai magar yaar tire lafzon men Pahle ik aag see jaltee thee bujhaa dee ga.ee kya Jo baDhee thee ki kaheen mujh ko bahaa kar le jaa.e Main yaheen hoon to vahee mauj bahaa dee ga.ee kya Paanv men khaak kee zanjeer bhalee lagne lagee Phir miree qaid kee mee.aad baDhaa dee ga.ee kya Der se pahunche hain ham duur se aa.e hue log Shahr khaamosh hai sab khaak uDaa dee ga.ee kya