ye to sahraa hai yahaan thandii havaa kab aaegii

Ye to sahraa hai yahaan ThanDee havaa kab aa.egee Yaar, tum ko saans lene kee adaa kab aa.egee Kuuch karnaa chaahte hain phir miree bastee ke log Phir tiree awaaz ai koh-e-nidaa kab aa.egee Nasl-e-taaza, main tujhe kya tajrabe apne bataa.oon Tere baDhte jism par meree qabaa kab aa.egee Sar-barahna beebiyon ke baal chaandee ho ga.e Kheme phir istaada kab honge ridaa kab aa.egee Taaq men kab tak jalegaa ye charaagh-e-intizaar Is taraf shab-e-gasht logon kee sadaa kab aa.egee Meree miTTee men bhee Kuch paude numoo-aamaada hain Too mire aangan tak ai kaalee ghaTaa kab aa.egee