zameen par shor e mahshar roz o shab hota hi rahtaa hai

Zameen par shor-e-mahshar roz o shab hota hee rahtaa hai Ham apne giit gaa.en ye to sab hota hee rahtaa hai Ye ham ne bhee sunaa hai aalam-e-asbaab hai Dunya Yahaan phir bhee bahut Kuch be-sabab hota hee rahtaa hai Tiree khaatir ka.ee sachchaa.iyon se kaT ga.e rishte Mohabbat men to ye tark-e-nasab hota hee rahtaa hai Musaafir raat ko is dasht men bhee ruk hee jaate hain Hamaare dil men bhee jashn-e-tarab hota hee rahtaa hai Koi shai tasht men ham sar se kam qeemat nahin rakhte So aksar ham se nazraana talab hota hee rahtaa hai