zehn ho tang to phir shokhii e afkaar na rakh

Zehn ho tang to phir shokhee-e-afkaar na rakh Band tah-khaanon men ye daulat-e-bedaar na rakh Zakhm khaanaa hee jo Thahraa to badan teraa hai Khauf kaa naam magar lazzat-e-aazaar na rakh Ek hee chiiz ko rahnaa hai salaamat pyaare Ab jo sar shaanon pe rakkhaa hai to deevaar na rakh Khvaahishen toD na Daalen tire siine kaa qafas Itne shah-zor parindon ko giraftaar na rakh Ab main chup hun to mujhe apnee daleelon se na kaaT Meree TuuTee huee talvaar pe talvaar na rakh Aaj se dil bhee tire haal men hota hai shareek Le ye hasrat bhee miree chashm-e-gunahgaar na rakh Vaqt phir jaane kahaan us se milaa de tujh ko Is qadar tark-e-mulaaqaat kaa pindaar na rakh