jab jaan pe lab e jaanaan kii mahak ik baarish manzar ho jaae

Jab jaan pe lab-e-jaanaan kee mahak ik baarish manzar ho jaa.e Ham haath baDhaa.en aur is men mahtaab gul-e-tar ho jaa.e Kab dil kaa laDakpan jaa.egaa har vaqt yahee hai zid us kee Jo maange usee pal mil jaa.e jo soche vaheen par ho jaa.e Ik aalam-e-jaan vo hotaa hai takhsees naheen jis men koee Is vaqt hamaaree baanhon men jo aa.e vo dilbar ho jaa.e Aashob-e-mohabbat kaa aansoo rakhtaa hai talavvun fitrat men Aankhon men rahe to qatra hai Tapke to samundar ho jaa.e Jitnaa bhee sameTen aankhon men rahtaa hee naheen kuchh yaad hamen Yaarab vo tilism-e-aariz-o-lab ik roz to azbar ho jaa.e 'jamshed' mataa-e-husn jahaan sab ahl-e-nazar kaa hissa hai Jo chaahe qalandar ho jaa.e jo chaahe sikandar ho jaa.e