shauq ke shahr e tamannaa ke thikaane guzre

Shauq ke shahr-e-tamannaa ke Thikaane guzre Raat phir zehn se kuchh khvaab puraane guzre Chaand jab jhiil men utraa to manaazir kee tarah Mujh ko chhookar tire baazoo tire shaane guzre Jaane kis shakhs ke baare men pareshaan ho tum Ab hamen khud ko bhulaate bhee zamaane guzre Ham to har moD bichhaa aa.e the daaman apnaa Jaane kis raah bahaaron ke khazaane guzre Bujhne lagtaa hai kisee sham.a ke maanind vajood Jab tiree yaad havaaon ke bahaane guzre Manzar-e-shauq vahee hai to safar kaisaa thaa Ham guzar aa.e ki 'jamshed' zamaane guzre