ye chaaraagar to yahaan har galii men milte hain

Ye chaaraagar to yahaan har galee men milte hain Koee bataao kahaan dil ke chaak silte hain Tire badan kee sabaa kis chaman men chaltee hai Kahaan pe ab tire honTon ke phuul khilte hain Fazaa men bikhree hain zard aansooon kee tahreeren Vidaa-e-gul men darakhton ke haath milte hain Vo jin ke ashk bichhaDte hue naheen thamte Milen bichhaD ke to kyon be-rukhee se milte hain Ghalat gumaan na kar meree khushk aankhon par Samundaron men jazeere zaroor milte hain Sulag uThee hai tiree yaad men fazaa-e-khayaal Ki jaise teergee-e-shab men phuul khilte hain