ab kisi se miraa hisaab nahin
— Jaun Eliya
Ab kisee se miraa hisaab naheen
Meree aankhon men koee khvaab naheen
Khoon ke ghoonT pee raha hoon main
Ye miraa Khoon hai sharaab naheen
Main sharaabee hoon meree aas na chheen
Too miree aas hai saraab naheen
Noch phenke labon se main ne savaal
Taaqat-e-shokhee-e-javaab naheen
Ab to panjaab bhee naheen panjaab
Aur khud jaisaa ab do-aab naheen
Gham abad kaa naheen hai aan kaa hai
Aur is kaa koee hisaab naheen
Boodash ik roo hai ek roo ya.anee
Is kee fitrat men inqalaab naheen