apne sab yaar kaam kar rahe hain

Apne sab yaar kaam kar rahe hain Aur ham hain ki naam kar rahe hain Tegh-baazee kaa shauq apnee jagah Aap to qatl-e-aam kar rahe hain Daad-o-tahseen kaa ye shor hai kyuun Ham to khud se kalaam kar rahe hain Ham hain masroof-e-intizaam magar Jaane kya intizaam kar rahe hain Hai wo bechaargee kaa haal ki ham Har kisee ko salaam kar rahe hain Ek qattaala chaahiye ham ko Ham ye e.alaan-e-aam kar rahe hain Kya bhalaa saaghar-e-sifaal ki ham Naaf-pyaale ko jaam kar rahe hain Ham to aa.e the arz-e-matlab ko Aur wo ehtiraam kar rahe hain Na uThe aah kaa dhuaan bhee ki wo Koo-e-dil men khiraam kar rahe hain Us ke honTon pe rakh ke honT apne Baat hee ham tamaam kar rahe hain Ham ajab hain ki us ke kooche men Be-sabab dhoom-dhaam kar rahe hain