badaa ehsaan ham farmaa rahe hain

BaDaa ehsaan ham farmaa rahe hain Ki un ke khat unhen lauTaa rahe hain Naheen tark-e-mohabbat par wo raazee Qayaamat hai ki ham samjhaa rahe hain Yaqeen kaa raasta tai karne vaale Bahut tezee se vaapas aa rahe hain Ye mat bhoolo ki ye lamhaat ham ko BichhaDne ke liye milvaa rahe hain Ta'ajjub hai ki ishq-o-aashiqee se Abhee Kuch log dhokaa khaa rahe hain Tumhen chaahenge jab chhin jaaogee tum Abhee ham tum ko arzaan paa rahe hain Kisee soorat unhen nafrat ho ham se Ham apne aib khud ginvaa rahe hain Wo paagal mast hai apnee wafa men Miree aankhon men aansoo aa rahe hain Daleelon se use qaa.il kiyaa thaa Daleelen de ke ab pachhtaa rahe hain Tiree baanhon se hijrat karne vaale Na.e maahaul men ghabraa rahe hain Ye jazb-e-ishq hai yaa jazba-e-rahm Tire aansoo mujhe rulvaa rahe hain Ajab Kuch rabt hai tum se ki tum ko Ham apna jaan kar Thukraa rahe hain Wafa kee yaadgaaren tak na hongee Miree jaan bas koee din jaa rahe hain