be qaraarii sii be qaraarii hai

Be-qaraaree see be-qaraaree hai Vasl hai aur firaaq taaree hai Jo guzaaree na jaa sakee ham se Ham ne wo zindagee guzaaree hai Nighare kya hue ki logon par Apna saaya bhee ab to bhaaree hai Bin tumhaare kabhee naheen aa.ee Kya miree niind bhee tumhaaree hai Aap men kaise aa.uun main tujh bin Saans jo chal rahi hai aaree hai Us se kahiyo ki dil kee galiyon men Raat din teree intizaaree hai Hijr ho yaa visaal ho Kuch ho Ham hain aur us kee yaadgaaree hai Ik mahak samt-e-dil se aa.ee thee Main ye samjhaa tiree savaaree hai Haadson kaa hisaab hai apna Varna har aan sab kee baaree hai Khush rahe too ki zindagee apnee Umr bhar kee umeed-vaaree hai