dil jo hai aag lagaa duun us ko
— Jaun Eliya
Dil jo hai aag lagaa duun us ko
Aur phir khud hee havaa duun us ko
Jo bhee hai us ko ganvaa baiThaa hai
Main bhalaa kaise ganvaa duun us ko
Tujh gumaan par jo imaarat kee thee
Sochtaa hoon ki main Dhaa duun us ko
Jism men aag lagaa duun us ke
Aur phir khud hee bujhaa duun us ko
Hijr kee nazr to denee hai use
Sochtaa hoon ki bhulaa duun us ko
Jo nahin hai mire dil kee Dunya
Kyuun na main 'jaun' miTaa duun us ko