dil ki takliif kam nahin karte
— Jaun Eliya
Dil kee takleef kam naheen karte
Ab koee shikva ham naheen karte
Jaan-e-jaan tujh ko ab tiree khaatir
Yaad ham koee dam naheen karte
Doosree haar kee havas hai so ham
Sar-e-tasleem kham naheen karte
Wo bhee paDhtaa naheen hai ab dil se
Ham bhee naale ko nam naheen karte
Jurm men ham kamee karen bhee to kyuun
Tum sazaa bhee to kam naheen karte