dil ne wafa ke naam par kaar e wafa nahin kiyaa
— Jaun Eliya
Dil ne wafa ke naam par kaar-e-wafa naheen kiyaa
Khud ko halaak kar liyaa khud ko fidaa naheen kiyaa
Kheera-saraan-e-shauq kaa koee naheen hai jumba-daar
Shahr men is giroh ne kis ko khafaa naheen kiyaa
Jo bhee ho tum pe mo'tariz us ko yahee javaab do
Aap bahut shareef hain aap ne kya naheen kiyaa
Nisbat-e-'ilm hai bahut haakim-e-vaqt ko aziiz
Us ne to kaar-e-jahl bhee be-ulamaa naheen kiyaa
Jis ko bhee shaikh o shaah ne hukm-e-khuda diyaa qaraar
Ham ne naheen kya wo kaam haan baa-khuda naheen kiyaa